यस्ता छन् निजी तथा सामुदायिक अस्पतालले आरडीटी परीक्षणमा पालना गर्नुपर्ने शर्तहरू
<p>काठमाडौं। स्वास्थ्य तथा जनसंख्या मन्त्रालयले निजी तथा सामुदायिक अस्पताललाई पनि आरडीटी किट विधिबाट परीक्षण गर्न दिने निर्णय गरेको छ।</p>
<p>ती संस्थाहरूले कोभिड-१९ परीक्षणका लागि आरडीटीबाट परीक्षण गर्न अनुमित दिने सम्बन्धी अन्तरिम निर्देशिका २०७७ जारी गरेको छ।</p>
<p>आरडीटीबाट परीक्षण गर्न इच्छुक निजी तथा सामुदायिक अस्पतालहरू प्रचलित कानून अनुरूप स्वास्थ्य तथा जनसंख्या मन्त्रालय वा अन्तर्गतका निकायमा दर्ता भई नवीकरण गरेको हुनुपर्नेछ।</p>
<p>अस्पतालले आरडीटी परीक्षणका लागि उपत्यकाभित्रका स्वास्थ्य संस्थाहरूले स्वास्थ्य सेवा विभागबाट अनुमति लिनुपर्नेछ र उपत्यका बाहिरका स्वास्थ्य संस्थाहरूले सम्बन्धित प्रदेश स्वास्थ्य निर्देशनालयबाट अनुमति लिनुपर्नेछ। </p>
<p>आरडीटी परीक्षण गर्न चाहने अस्पतालले राष्ट्रिय जनस्वास्थ्य प्रयोगशालाले सुचिकृत गरेका विभिन्न ९ वटा कम्पनीका किटमात्रै प्रयोग गर्नुपर्नेछ।</p>
<p>आरडीटी परीक्षण अस्पताल प्रयोजनको लागि मात्र प्रयोग गर्नुपर्नेछ। आरडीटी परीक्षणको नतिजा पोजिटिभ आएमा आरटीपीसीआर परीक्षणको लागि रिफर गर्नुपर्नेछ।</p>
<p>आरडीटी परीक्षणको अभिलेखीकरण चुस्त दुरुस्त राख्नुपर्नेछ र आरडीटी परीक्षणको प्रतिवेदन दैनिक रूपमा राष्ट्रिय जनस्वास्थ्य प्रयोगशाला पेश गर्नुपर्नेछ।</p>
<p>साथै जनस्वास्थ्य प्रयोजनका लागि इपिडिमियोलोजी तथा रोग नियन्त्रण महाशाखाले माग गरे बमोजिम सूचनाहरु उपलब्ध गराउनु पर्नेछ।</p>
<p>आरडीटी परीक्षणको शुल्क खरीद मूल्यको २० प्रतिशत नबढ्ने गरी लिन पाइने मन्त्रालयले निर्देशिकामा उल्लेख गरेको छ।</p>
प्रतिक्रिया दिनुहोस्
.jpg)
