भरतपुर अस्पतालमा मृत्यु भएका वृद्धको कोरोना रिपोर्ट नेगेटिभ
<p>चितवन। उपचारका क्रममा भरतपुर अस्पतालमा मृत्यु भएका एकजनाको कोभिड-१९ रिपोर्ट नेगेटिभ आएको छ।</p>
<p>अस्पतालका सूचना अधिकारी लीलाधर पौडेलका अनुसार उपचारका क्रममा मृत्यु भएका ६८ वर्षीय वृद्धको नतिजा नेगेटिभ आएको हो।</p>
<p>उपचारका क्रममा रहेकी ३२ वर्षीया एक महिलाको नतिजा पनि नेगेटिभ आएको छ।</p>
<p>परोहा नगरपालिका-८ नर्कटिया रौतहटका उनी दुई दिनअघि राति अस्पताल आएका थिए। अस्पतालमा उपचारका क्रममा हिजो उनको मृत्यु भएको थियो।</p>
<p>सघन उपचार कक्षमा उपचार हुँदाहुँदै उनको मंगलबार बिहान मृत्यु भएको थियो। चार महीनाअघिदेखि क्षयरोगको संक्रमण र क्यान्सरको समस्या देखिएका कारण उनी भरतपुर अस्पताल आइपुगेको अस्पतालले जनाएको छ ।</p>
<p>यसैगरी भरतपुर अस्पतालमा प्रसूति तथा स्त्रीरोग विभागमा उपचारका क्रममा रहेकी युवतीको पनि कोरोना संक्रमण नेगेटिभ देखिएको छ।</p>
<p>पौडेलका अनुसार सिन्धुलीबाट आएकी ३२ वर्षीया युवतीको नतिजा नेगेटिभ आएको हो। <em>रासस</em></p>
प्रतिक्रिया दिनुहोस्
.jpg)
