मुम्बईमा लकडाउन उल्लंघन गर्दै समोसा पार्टी
<p>मुम्बई । मुम्बईको घाटकोपर (पूर्व)स्थित एक हाउजिङ सोसाइटीमा लकडाउनको नियम उल्लंघन गर्दै ‘म्युजिकल समोसा पार्टी’ आयोजना गर्ने दुईजनालाई प्रहरीले पक्राउ गरेको छ ।</p>
<p>कुक्रेजा प्यालेस हाउजिङ सोसाइटी परिसरमा गत सोमबार पाहुना बोलाएर भीडभाडयुक्त पार्टी आयोजना गरिएको हो । </p>
<p>प्रहरीले कोअपरेटिभ हाउजिङ सोसाइटीका अध्यक्ष राहुल सांघवी र पार्टी आयोजना गर्ने व्यक्ति जेठालाल डेढियालाई निषेधाज्ञा उल्लंघन गरेको अभियोगमा पक्राउ गरी अनुसन्धान अगाडि बढाएको छ । मुम्बईको उक्त क्षेत्र कोरोना भाइरसको हटस्पट बनेको छ ।</p>
<p>उक्त समोसा पार्टीका तस्वीरहरू सामाजिक सञ्‍जालमा भाइरल बनेका थिए । सामाजिक सञ्‍जालमै अपलोड गरिएको भिडिओमा करिब ३० जना उक्त पार्टीमा सहभागी देखिन्छन् ।</p>
<p>पाहुनालाई समोसा पस्किइरहेको देखिन्छ । र, गितार बजाउँदै रमाइरहेको देखिन्छ ।</p>
प्रतिक्रिया दिनुहोस्
.jpg)
