भारतीय सीमा क्षेत्रमा अलपत्र २७६ नेपालीको मध्यरातमा उद्धार
<p>कैलाली। कञ्‍चनपुरसँगको सीमावर्ती भारतीय क्षेत्रमा अलपत्र परेका २७६ जना नेपालीलाई गएराति उद्धार गरिएको छ।</p>
<p>भारतका बिभिन्न शहरबाट आएका उनीहरू खटिमा हुँदै महाकाली नगरपालिकामा आईपुगेका थिए।</p>
<p>उनीहरूलाई राति करिब ११ बजे त्यहाँबाट उद्धार गरिएको हो।</p>
<p>तीमध्ये कञ्‍चनपुरकै दोधरा चाँदनीको झोलुंगे पुलमा पुगेका ८१ जनालाई उद्धार गरिएको छ।</p>
<p><img alt="" height="720" src="https://www.dekhapadhi.com/storage/photos/shares/COVID-19/rescue 1.jpg" width="960" /></p>
<p>उद्धार गरेर नेपाल प्रवेश गराइएकामा सबैभन्दा बढी मुगुका ४४ जना छन्। त्यस्तै दैलेखेका १८ जना छन्।</p>
<p>अन्य कालिकोटदेखि सप्तरीसम्मका बासिन्दा रहेका छन्।</p>
<p>यसअघि उद्धार गरी ल्याइएका महाकाली नगरपालिकाका २०० जनालाई क्वारेन्टाईनमा राखिएको छ।</p>
<p>हिजो, ६ जेठ दिउँसो समेत भीमदत्तनगरपालिका उल्टाखामका ६ जनालाई उद्धार गरेर क्वारेन्टाइन राखिएको छ।</p>
<p>भीमदत्त नगरपालिकाका मेयर सुरेन्द्र विष्टले सिमामा नेपालीहरु अलपत्र परेपछि उद्दारको पहल गरिएको बताए।</p>
<p>अझै पनि भारतीय सीमावर्ती बजार खटिमा, रुद्रपुर, बनवासा, पन्तनगर, काशीपुर लगायतका ठाउँमा डेढ हजार भन्दा नेपाली अलपत्र अवस्थामा रहेको जानकारी आएकोले उनीहरूको पनि उद्धारको पहल भइरहेको उनले बताए।</p>
प्रतिक्रिया दिनुहोस्
.jpg)
