चन्द्रागिरिमा ११३ जनाकाे आरडीटी परीक्षण, ९ जेठसम्म नगर क्षेत्र ‘सिल’
<p>काठमाडौं। चन्द्रागिरि नगरपालिकामा ११३ जनामा आरडीटीमार्फत् काेभिड-१९ परीक्षण गरिएको छ। यसैगरी, २० जनाको पीसीआर विधिबाट परीक्षण गरिएको छ।</p>
<p>चन्द्रागिरि नगरपालिकामा पाँचजनामा कोरोना संक्रमित देखिएपछि आज परीक्षण थालिएको हो। </p>
<p>५२१ जनाको आरडीटी परीक्षण गर्ने लक्ष्य लिइएकोमा आज ११३ जनाको परीक्षण गरिएको चन्द्रागिरि नगरपालिका-१५ का वडाध्यक्ष उत्तमबहादुर राउतले बताए। </p>
<p>कोरोना संक्रमितको संख्या बढ्दै गएपछि नगरपालिका उच्च जोखिममा रहेको भन्दै ३ जेठबाट नगर सिल गरिएको थियो।</p>
<p>७ जेठसम्म सिल गरिएको नगर क्षेत्र अब ९ जेठसम्म कायम रहनेछ। चन्द्रागिरि नगर क्षेत्रमा बसोबास गर्ने पाँचजनामा कोरोना संक्रमण देखिएकाे छ।</p>
<p>परीक्षणको काम नसकिने भन्दै दुई दिन थप गरिएको वडाध्यक्ष राउतले बताए। </p>
<p>क्वारेन्टाइनमा रहँदा कोरोना पोजिटिभ देखिएको खण्डमा दहचोकमा रहेको मनमोहन अस्पतालको आइसलेसनमा राख्ने व्यवस्था गरिएकाे उनकाे भनाइ छ।</p>
<p>१५ वटा वडा रहेको नगरपालिकामा अहिलेसम्म तीनवटा वडामा मात्र कोरोना परीक्षण गरिएको छ।</p>
प्रतिक्रिया दिनुहोस्
.jpg)
