सार्वजनिक स्वास्थ्य संस्थाले सःशुल्क आरडीटी र पीसीआर परीक्षण गर्न पाउने
<p>काठमाडौं। स्वास्थ्य तथा जनसंख्या मन्त्रालयले सार्वजनिक स्वास्थ्य संस्थाले पनि सःशुल्करूपमा आरडीटी र पीसीआर दुवै परीक्षण गर्न पाउने नीतिगत निर्णय गरेको छ।</p>
<p>मन्त्रालयका प्रवक्ता डा. विकास देवकोटाले राष्ट्रिय जनस्वास्थ्य प्रयोगशालाबाट तोकिएको मापदण्ड र शर्त पालना गर्ने गरी तोकिएका सार्वजनिक संस्थाहरूलाई परीक्षण गर्न दिने निर्णय गरेको जानकारी दिए।</p>
<p>स्वदेशी तथा विदेशी नागरिकहरूले लक्षण नदेखिएको भए पनि स्वेच्छाले तोकिएका सार्वजनिक संस्थाहरूमा गएर परीक्षण गर्न पाउनेछन्। </p>
<p>परीक्षणको दायरा बढाउन यस्तो नीतिगत निर्णय भएको मन्त्रालयले जनाएको छ। परीक्षण गर्न ती सार्वजनिक स्वास्थ्य संस्थाले तोकिएको मापदण्ड पूरा गर्नुपर्ने, सूचनाको गोपनीयता र नियमित रिपोर्टिङको शर्त अनिवार्य पालना गर्नुपर्नेछ।</p>
<p>परीक्षणको दररेट भने सार्वजनिक स्वास्थ्य संस्थाहरूले नै तोक्ने छन्।</p>
प्रतिक्रिया दिनुहोस्
.jpg)
