प्रदेश २ र ५ मा १०/१० जना चिकित्सकको थप टोली पठाइने
<p>काठमाडौं। स्वास्थ्य तथा जनसंख्या मन्त्रालयले कोरोना संक्रमणको उच्च जोखिम देखा परेको प्रदेश २ र ५ मा थप चिकित्सकको टोली पठाउने भएको छ।</p>
<p>मन्त्रालयले ती दुवै प्रदेशमा १०/१० जना चिकित्सकको टोली पठाउने निर्णय गरेको मन्त्रालयका प्रवक्ता डा. विकास देवकोटाले जानकारी दिए।</p>
<p>संक्रमितको संख्या धेरै देखिएको क्षेत्रलाई केन्द्रित गरेर त्यहाँ टोली परिचालन गर्न लागिएको हो।</p>
<p>त्यहाँ जाने टोलीले ब्यापकरूपमा नमूना संकलन गरेर परीक्षण गरिनेछ।</p>
<p>अहिले सबैभन्दा बढी जोखिम यी दुईवटा प्रदेशमा देखिएको छ। मन्त्रालयको पछिल्लो अद्यावधिक विवरणअनुसार प्रदेश २ मा १३६ र प्रदेश ५ मा १७६ जना संक्रमित पुगेका छन्।</p>
प्रतिक्रिया दिनुहोस्
.jpg)
