झापाका कोरोना संक्रमित पुरुष निको भएर घर फर्किए, निको हुनेको संख्या ३७ पुग्यो
<p>काठमाडौं। नेपालमा थप एकजना कोराना संक्रमित बिरामी निको भएर घर फर्किएका छन्।</p>
<p>कोशी अस्पताल विराटनगरमा उपचाररत एकजना कोरोना संक्रमित बिरामी आज डिस्चार्ज भएका हुन्।</p>
<p>झापाका ६२ वर्षीय पुरुष २५ दिनपछि अस्पतालबाट निको भएर घर फर्किएको स्वास्थ्य तथा जनसंख्या मन्त्रालयले जनाएको छ।</p>
<p>उनको कोरोना परीक्षणको अन्तिम रिपोर्ट नेगेटिभ आएपछि आज डिस्चार्ज भएका हुन्।</p>
<p>योसँगै नेपालमा ३७ जना बिरामी निको भएर घर फर्किएका छन्।</p>
<p>आजसम्मका संक्रमितको अस्पताल बसाइ हेर्दा औषत १९ दिन देखिएको मन्त्रालयले जनाएको छ। </p>
प्रतिक्रिया दिनुहोस्
.jpg)
