कैलालीमा अस्पताल भर्ना भएका पाँचजनाको पीसीआर रिपोर्ट नेगेटिभ
<p>कैलाली। कोरोना भाइरस संक्रमणको आशंकामा सेती प्रादेशिक अस्पतालमा दुई दिनअघि भर्ना भएका कैलालीका पाँचजनाको थ्रोट स्वाब नमूनाको रिपोर्ट नेगिटिभ आएको छ।</p>
<p>सेती प्रादेशिक अस्पतालका सूचना अधिकारी दिलिप श्रेष्ठले कोरोना आशंकामा भर्ना भएका पाँचै जनाको रिपोर्ट नेगेटिभ आएको देखापढीलाई बताए।</p>
<p>कोरोना आशंकामा आइसोलेसन वार्डमा भर्ना भएका कैलारी गाउँपालिका १ हसुलियाकी २७ वर्षीया महिला, धनगढी उपमहानगरपालिका-५ का ३० वर्षीय पुरुष र उनकी २९ वर्षीया श्रीमती त्यसैगरी धनगढी उपमहानगरपालिका-१३ का ३० वर्षीय पुरुषको कोभिड-१९ परीक्षण गरिएको थियो।</p>
<p>अस्पतालमा अहिलेसम्म परीक्षण गरिएका ७१ जनाकै रिपोर्ट नेगेटिभ आएको सूचना अधिकारी श्रेष्ठले बताए।</p>
<p>जसमा कैलाली ३९ (५जना समेत), कंचनपुर १७, डोटी र बाजुरा ४/४, बैतडी र दार्चुलाका २/२ साथै बझाङ, दाङ र बर्दियाका १/१ जना छन्।</p>
प्रतिक्रिया दिनुहोस्
.jpg)
