झापामा थप नौ जनामा कोरोना संक्रमण, प्रदेश १ मा कूल संक्रमित ५४ जना
<p>काठमाडौं। झापामा थप नौ जनामा कोरोना संक्रमण देखिएको छ।</p>
<p>प्रदेश १ मुख्यमन्त्री तथा मन्त्रिपरिषद्को कार्यालय कोरोना सूचना डेस्कका एक अधिकारीले देखापढीलाई बताए अनुसार कोशी अस्पतालको प्रयोगशालामा गरिएको परीक्षणको क्रममा उनीहरूको रिपोर्ट पोजिटिभ पाइएको हो।</p>
<p>हिजो झापाको केचनामा कोभिड-१९ पुष्‍टि भएकाको सम्पर्कमा रहेका थप ९ जनामा संक्रमण पाइएको छ।</p>
<p>उनीहरूलाई उपचारका लागि विराटनगरस्थित कोरोना विशेष अस्पतालमा ल्याउने तयारी भइरहेको छ।</p>
<p>प्रदेश १ मा आजै सुनसरीको भारतसँगको सीमा जोडिएको क्षेत्रमा कार्यरत् एक सशस्त्र प्रहरीमा कोभिड-१९ फेला परेको थियो।</p>
<p>आज थपिएका १० सहित यस प्रदेशमा कूल संक्रमितको संख्या ५४ पुगेको छ।</p>
प्रतिक्रिया दिनुहोस्
.jpg)
