आइपुग्यो सेनाले चीनमा खरिद गरेको स्वास्थ्य सामग्री
<p>काठमाडौं। नेपाली सेनाले चीनबाट खरिद गरेको १९.४५ टन अर्थात् १७ हजार ६ सय ५१ किलो स्वास्थ्य सामग्री नेपाल वायु सेवा निगमको वाइडबडी विमानमार्फत् काठमाडौं ल्याइएको छ।</p>
<p>चीन सरकारसँग सेनाले जीटूजी प्रक्रियामार्फत खरिद गरेको पहिलो लटको सामान लिन हिजो राति वाइडबडी विमान चीनको गोन्जाओ प्रस्थान गरेको थियो।</p>
<p>आज बिहान सामान काठमाडौं आइपुगेको नेपाली सेनाका प्रवक्ता सहायक रथी विज्ञानदेव पाण्डेले जानकारी दिए। उनका अनुसार विमानमार्फत १८ दशमलव ८४ टन स्वास्थ्य सामग्री ल्याइएको हो।</p>
<p>सेनाले पहिलो लटमा परीक्षण किट, पीपीई, एन-९५ मास्कलगायत अत्यावश्यक सामान ल्याएको छ। स्थलमार्गबाट भने यसअघि नै १० वटा कन्टेनरमा सामान ल्याइसकिएको छ। </p>
<p>हवाइमार्गभन्दा पहिले कन्टेनरबाट सामान नेपाल ल्याइएको हो। सैनिक प्रवक्ता पाण्डेले अर्को चार्टर विमान पनि छिट्टै चीनतर्फ पठाइने बताए। </p>
<p>१६ चैतमा सरकारले ओम्‍नीसँगको सम्झौता खारेज गरेर नेपाली सेनालाई स्वास्थ्य सामग्री खरिदको जिम्मा दिने निर्णय गरेको थियो। सेनाले चीनसँग २ अर्ब २५ करोड रुपैयाँको सम्झौता गरेको थियो। चीनबाट सेनाले ६७ प्रकारका ३४३ टन स्वास्थ्य सामग्री खरिद गरेको हो।</p>
प्रतिक्रिया दिनुहोस्
.jpg)
