स्वाद र गन्ध थाहा नपाउनु पनि कोभिड-१९ को लक्षण भएको पुष्टि
<p>काठमाडौं। बेलायतको जनस्वास्थ विभागले स्वाद र गन्ध यी दुवै थाहा नपाउनु पनि कोरोनाको लक्षण भएको पुष्टि गरेको छ।</p>
<p>हिजो त्यहाँको नेशनल हेल्थ सर्भिस (एनएचएस) ले आधिकारिक रूपमा सो कुरा बताएको हो। यसअघि यी लक्षणलाई एनएचएसले समावेश गरेको थिएन।</p>
<p>गत महीना यी लक्षण पनि कोरोनासँग सम्बन्धित हुनसक्ने अनुमान मात्रै गरिएको थियो र पुष्टिका लागि थप अनुसन्धान थालिएको थियो ।</p>
<p>बेलायतको स्वास्थ विभागका एक अधिकृत प्रोफेसर जोनाथन भ्यान ट्यामले अनुसन्धानबाट स्वाद र गन्ध थाहा नपाउनु पनि पत्ता लागेको बताए।</p>
<p>कसैमा यी दुई मात्र लक्षण देखिए एक हप्ता घरमा अलग्गै बस्न आग्रह गरिएको छ भने यीबाहेक अन्य पूर्ववत् लक्षणसमेत देखिए १४ दिन अलग्गै बस्न भनिएको छ।</p>
<p>प्रो. ट्यामले कोरोनाको सङ्क्रमणबाट हालै भर्ना भएका करीब ९३ प्रतिशत नयाँ सङ्क्रमितमा यी लक्षण देखिएको बताए।</p>
<p>किङ्स कलेज लण्डनका अनुसन्धानकर्मी प्रो. टिम स्पेक्टरको समूहले गत हप्ता प्रकाशित गरेको अनुसन्धानले यस्तो निष्कर्ष देखाएको हो। <em>रासस</em></p>
प्रतिक्रिया दिनुहोस्
.jpg)
