कोराना कहरकै बीच बंगलादेश र भारतमा अम्फान तुफानको जोखिम
<p>नयाँदिल्ली। कोभिड-१९ को महामारीसँग जुझिरहेका बंगलादेश र भारतमा अम्फान तुफानको जोखिम बढेको छ।</p>
<p>अक्टोबर १९९९ यता पहिलोपटक बंगालको खाडीबाट उठेको ‘सुपर साइक्लोन’ले जोखिम बढाएको हो। मौसमविद्हरूका यसका नाम ‘अम्फान’ जुराएका छन्।</p>
<p>भारतीय मौसम विभागका अनुसार यो तुफान दुई सय २० देखि दुई सय ६५ किलोमिटर प्रतिघण्टा गतिको छ। हावाको गति दुई सय २० किमि प्रतिघण्टाभन्दा बढी देखियो भने ‘सुपर साइक्लोन’को दर्जा दिने गरिन्छ।</p>
<p>भोलि भारत पश्‍चिमबंगालको दिघा र बंगलादेशको हातिया टापुमा पुग्ने अनुमान गरिएको यो तुफानको गति त्यसपछि कम हुने आकलन पनि मौसमविद्हरूको छ।</p>
<p>त्यसका बावजुद भारतको उडिसाका १२ वटा जिल्लामा भारी वर्षा गराउने भविष्यवाणी मौसमविद्हरूले गरेका छन्।</p>
<p>सम्भावित विनासलाई ध्यानमा राख्दै उडिसा सरकारले जोखिमपूर्ण मानिएका क्षेत्रमा ६ सयवटा साइक्लोन सेन्टर र सात हजारवटा पक्की भवन तयारी अवस्थामा राखेको छ। तिनमा १२ लाख जनासम्मलाई राख्‍न सकिने आकलन छ।</p>
<p>उडिसाको त्यही क्षेत्रमा तुफानको प्रभाव पर्ने सम्भावना देखिएको छ, जहाँ अहिले कोभिड-१९ को महामारी फैलिएको छ।</p>
<p>पश्‍चिमबंगाल राज्य सरकारले पनि तुफानबाट बच्‍न पर्याप्त तयारी गरिएको दाबी गरेको छ।</p>
<p>बंगलादेशको समुद्री तटीय शहर दिघाबाट बंगालको खाडीमा अग्ला लहरहरू देखिइरहेका छन्। </p>
<p>रोयल बंगाल टाइगरलगायत वन्यजीवको बासस्थान मानिने सुन्दरवन इलाकामा जोखिम अत्यधिक रहेको अधिकारीहरूको भनाइ छ। यो संसारको सबैभन्दा ठूलो वर्षा वन पनि हो।</p>
प्रतिक्रिया दिनुहोस्
.jpg)
