कर्णाली प्रदेशमा पनि पुग्यो कोभिड-१९, दैलेखमा एकजनामा संक्रमण पुष्टि
<p>काठमाडौं। कर्णाली प्रदेशमा पनि कोरोना भाइरस संक्रमण देखिएको छ।</p>
<p>यसअघि एउटा पनि केस नदेखिएको कर्णालीमा पहिलोपटक आज एक पुरुषमा संक्रमण पुष्टि भएको हो। </p>
<p>दैलेखको आठबीसकोट नगरपालिका-१ का पुरुषमा संक्रमण पुष्टि भएको प्रादेशिक अस्पताल सुर्खेतका निर्देशक, डा. डम्बर खड्काले <em><strong>देखापढी</strong></em>लाई बताए।</p>
<p>उनका अनुसार सुर्खेतस्थित् प्रयोगशालमा गरिएको पीसीआर परीक्षण शंकास्पद देखिएपछि ‘रि कन्फर्म’का लागि बाँके पठाइएको थियो।</p>
<p>भेरी अस्पताल नेपालगञ्जको प्रयोगशालामा गरिएको पीसीआर परीक्षण अुनसार ३५ वर्षीय व्यक्तिमा संक्रमण पुष्टि भएको हो। </p>
<p>उनी १ जेठमा भारतबाट गाउँ फर्किएका थिए। हाल उनी गाउँपालिकाले बनाएको क्वारेन्टाइनमै छन्। </p>
<p>उनको अवस्था सामान्य छ। संक्रमण देखिएपछि उनलाई स्वास्थ्य संस्था लैजाने तयारी हुँदैछ।</p>
<p>योसँगै देशका सबै, सातवटै प्रदेशमा कोरोना भाइरस संक्रमण देखिएको छ।</p>
<p>स‌ंक्रमितको संख्या देशभर ३७५ पुगेको छ भने भने दुई जनाले कोरोना भाइरस संक्रमणबाट ज्यान गुमाएका छन्।</p>
<p>३६ जना निको भएर घर फर्किएका छन्। </p>
प्रतिक्रिया दिनुहोस्
.jpg)
