सिसडाेलावासीकाे काेभिड-१९ परीक्षण हुने भएपछि उठ्ने भयाे काठमाडाैंकाे फाेहर
<p>काठमाडाैं। सिसडोलवासीकाे कोभिड-१९ परीक्षण हुने भएपछि काठमाडौं उपत्यकाको नियमित फोहर विसर्जन हुने भएको छ।</p>
<p>सिसडोलवासीकाे काेरोना परीक्षणको माग राख्दै ककनी गाउँपालिकाले आजदेखि लागू हुने गरी एम्बुलेन्सबाहेकका सवारी आवतजावतमा रोक लगाएपछि कुनै पनि फोहरका गाडी काठमाडौं उपत्यकाबाट सिसडोल जान पाएका थिएनन्। </p>
<p>काठमाडौं महानगरपालिकाका प्रमुख विद्यासुन्दर शाक्यको नेतृत्वमा आज ककनी गाउँपालिका जनप्रतिनिधिसहित बसेको बैठकले तत्कालका लागि यो समस्या समाधान गर्ने सहमति गरेको हो।</p>
<p>ककनी गाउँपालिकाका जनप्रतिनिधि र स्थानीयको मागअनुसार सिसडोलवासीमा कोरोना संक्रमण भए/नभएको पुष्टिका लागि काठमाडौं महानगरपालिकाको नेतृत्व र स्वास्थ्य विभागको सहयोगमा परीक्षण गर्ने सहमति भएको छ।</p>
<p>कामपाले भोलि नै स्वास्थ्य विभागको टोलीसहित सिसडोल पुगेर आरडीटी र पीसीआर विधिबाट कोरोना भाइरस परीक्षण गरिने जानकारी दिए। “उपत्यकाको फोहोर छोपेर सिसडोल लैजाने सहमति भयो”, प्रमुख शाक्यले भने, “सहमतिअनुसार बेलुका ८ बजेदेखि बिहान ६ बजेसम्म फोहर विसर्जन गरिसक्नुपर्ने छ।”</p>
<p>ककनी गाउँपालिकाका प्रमुख मानबहादुर लामाले सिसडोलवासीले कोरोना संक्रमणको डर बढिरहेका बेला स्वास्थ्य परीक्षणको माग गरेको र त्यो माग पूरा भएकाले नियमित फोहर विसर्जन हुने जानकारी दिए। </p>
<p>कामपा वातावरण विभाग प्रमुख हरि श्रेष्ठका अनुसार फोहर विसर्जनस्थल आसपासका बढी प्रभावित कम्तीमा ३०० जनाको परीक्षण गर्ने तयारी रहेकाे बताए। <em>रासस</em></p>
प्रतिक्रिया दिनुहोस्
.jpg)
