बागमती प्रदेश सभाको बर्खे अधिवेशन १२ जेठमा
<p>हेटाैंडा। बागमती प्रदेश सभाको छैटौं बैठक (बर्खे अधिवेशन) १२ जेठका लागि डाकिने भएको छ।</p>
<p>प्रदेश सरकारको आज बसेको मन्त्रिपरिषद्को बैठकले १२ जेठ दिउँसो २ बजे अधिवेशन आह्वान गर्न प्रदेश प्रमुखसमक्ष अनुरोध गर्ने निर्णय गरेको हो।</p>
<p>मुख्यमन्त्री डोरमणि पौडेलको अध्यक्षतामा बसेको बैठकले चर्चित हेटौंडा-काठमाडौं मदन भण्डारी मार्गअन्तर्गतको पोष्टबहादुर सुरुङ मार्गलाई राष्ट्रिय योजना आयोगमा पहिलो प्राथमिकताको परियोजनाको रूपमा समावेश गर्ने र संघीय सरकारको सहलगानीमा निर्माण गर्नको लागि नेपाल सरकारलाई प्रस्ताव गर्ने निर्णय गरेको छ।</p>
<p>यसअघि मुख्यमन्त्री पौडेलले प्रदेश सभा भवनको निरीक्षण गरेका थिए। </p>
<p>पौडेलले सुरक्षित तबरले बैठक सञ्चालन गर्न उपयुक्ततासम्बन्धी जानकारी लिन प्रदेश सभा भवनको अवलोकन गरेकाे र भौतिक दूरी कायम गरेर बैठक सञ्चालन गर्ने विषयमा प्रदेश सभामुख सानुकुमार श्रेष्ठसँग छलफल गरेका थिए। <em>रासस</em></p>
प्रतिक्रिया दिनुहोस्
.jpg)
