.png)
प्रधानमन्त्रीले भोलि नीति तथा कार्यक्रममाथिको छलफलमा उठेका प्रश्नको जवाफ दिने
<p>काठमाडौं। प्रधानमन्त्री केपी शर्मा ओलीले भोलि, ६ जेठमा सरकारको वार्षिक नीति तथा कार्यक्रममाथि छलफलका क्रममा उठेका प्रश्नहरूको जवाफ दिने भएका छन्।</p>
<p>भोलि मध्यान्ह १२ बजे बस्ने प्रतिनिधि सभाको बैठकमा प्रधानमन्त्रीले जवाफ दिने कार्यसूची तय गरिएको संघीय संसदका महासचिव डा. भरतराज गौतमले जानकारी दिए।</p>
<p>राष्ट्रपति विद्यादेवी भण्डारीले २ जेठमा संघीय संसदको दुवै सदनको संयुक्त बैठकमा सरकारको आर्थिक वर्ष २०७७/७८ को नीति तथा कार्यक्रम प्रस्तुत गरेकी थिइन्।</p>
<p>भोलिकै बैठकमा नीति तथा कार्यक्रममाथि प्राप्त संशोधनहरूलाई निर्णयार्थ प्रस्तुत गरिनेछ। सभामुखले राष्ट्रपतिले गरेको सम्बोधनमा उल्लिखित आर्थिक वर्ष २०७७/७८ को लागि नेपाल सरकारको वार्षिक नीति तथा कार्यक्रमलाई निर्णयार्थ प्रस्तुत गर्नेछन्।</p>
<p>त्यस्तै कानून न्याय तथा संसदीय मामिला मन्त्री डा. शिवमाया तुम्बाहाम्फेले केही अध्यादेश खारेज गरी नेपाल ऐनको साविकको व्यवस्था जगाउने अध्यादेश, २०७७ लाई स्वीकृत गरियोस् भनी प्रस्ताव गर्ने कार्यसूची रहेको छ।</p>
प्रतिक्रिया दिनुहोस्
.jpg)
