बाँकेमा आज भेटिएका ४७ जना संक्रमित नै नरैनापुरका
<p style="text-align:justify">काठमाडौं। बाँकेमा आज कोरोना संक्रमण पुष्टि भएका सबै ४७ जना नरैनापुर गाउँपालिकाका भएको खुलेको छ।</p>
<p style="text-align:justify">नरैनापुरकै <a href="https://www.dekhapadhi.com/news/12843" target="_blank"><span style="color:#c0392b;">२५ वर्षीय युवकको हिजो, ४ जेठ बिहान कोरोना संक्रमणबाट मृत्यु </span></a>भएको थियो।</p>
<p style="text-align:justify">जिल्ला जनस्वास्थ्य कार्यालय बाँकेका फोकल पर्सन नरेश श्रेष्ठले आज भेटिएका सबै संक्रमित नरैनापुरका भएको बताए।</p>
<p style="text-align:justify">“नरैनापुरमा १३ वटा क्वारेन्टाइन छन्, तीमध्ये ४ वटा क्वारेन्टाइनमा बसेकाको परीक्षण गर्दा ४७ जनामा संक्रमण पुष्टि भएको हो”, उनले <strong><em>देखापढी</em></strong>सँग भने।</p>
<p style="text-align:justify">नरैनापुर गाउँपालिका भारतसँग जोडिएको गाउँपालिका हो।</p>
<p style="text-align:justify">यो गाउँपालिकामा लकडाउनपछि पनि धेरैजना भारतबाट फर्किएका थिए। </p>
<p style="text-align:justify">४ जेठमा मृत्यु भएका युवक पनि भारतको मुम्बईबाट फर्किएका थिए। उनीसहित ६६ जनालाई ३० वैशाखमा एउटै क्वारेन्टाइनमा राखिएको थियो।</p>
.jpg)
