लकडाउनमा धुर्मुस-सुन्तलीको ‘लिपुलेक’
<p>काठमाडौं। हास्य कलाकार जोडी सीताराम कट्टेल ‘धुर्मुस’ र कुञ्जना घिमिरे ‘सुन्तली’ लकडाउनका कारण घरमै छन्।</p>
<p>घरबाटै उनीहरू विभिन्न सचेतनामूलक भिडिओ सार्वजनिक गरिरहेका छन्। व्यंगात्मक शैलीमा बनाइएका भिडिओलाई धेरैले मन पराइरहेका छन्।</p>
<p>कहिले स्वास्थ्यकर्मी र सुरक्षाकर्मीले गरिरहेको कामसँगै पीडालाई भिडिओमार्फत् उनीहरूले देखाइरहेका छन् भने कहिले राहत नपाएका मजदुरको दुःख बोलिरहेका छन्।</p>
<p>यहीबीच उनीहरूले भारतले लिपुलेकमा सडक बनाएको विषयलाई लिएर भिडिओ बनाएका छन्। </p>
<p>भिडिओमा छिमेकीले जग्गा मिचेर बाटो बनाएको तर, नेपालका नेताहरूले कुनै पनि कदम चाल्न नसकेको कुरा देखाउन खाेजिएकाे छ।</p>
<p>सुदीप बरालको छायांकन र सम्पादनमा तयार भएको भिडिओमा धुर्मुसको दुई अवतार देखाइएको छ।</p>
प्रतिक्रिया दिनुहोस्
.jpg)
