रौतहट र बारामा थप नौ जनामा कोरोना संक्रमण, ३०४ पुगे संक्रमित
<p>काठमाडौं। आज थप नौ जनामा कोरोना भाइरस संक्रमण फेला परेको छ।</p>
<p>योसँगै नेपालमा कूल संक्रमितको संख्या ३०४ जना पुगेको स्वास्थ्य तथा जनसंख्या मन्त्रालयले जनाएको छ।</p>
<p>आज कोभिड-१९ पुष्‍टि भएकाहरूमा रौतहटका ८ जना र बाराका एकजना छन्।</p>
<p>संक्रमितहरूमा रौतहट इशनाथ ननगरपालिका वडा नम्बर २, ३ ६ र ९ निवासी २१ (दुईजना), २३, २५ (दुईजना), २९ र ३० वर्षीय पुरुषहरू साथै माधवनारायण नगरपालिका-३ निवासी २८ वर्षीय महिला छन्।</p>
<p>त्यस्तै बारा, करैयामाई-५ निवासी ३८ बर्षीय पुरुषमा पनि कोभिड-१९ देखिएको छ।</p>
<p>मन्त्रालयका सह-प्रवक्ता डा. समिरकुमार अधिकारीका अनुसार टेकुस्थित राष्‍ट्रिय जनस्वास्थ्य प्रयोगशालामा गरिएको परीक्षणको क्रममा उनीहरूको नतिजा पोजिटिभ पाइएको हो।</p>
<p>स्वास्थ्य अवस्था सामान्य रहेका उनीहरू सबै स्वास्थ्यकर्मीको सम्पर्कमा रहेको मन्त्रालयले जनाएको छ।</p>
प्रतिक्रिया दिनुहोस्
.jpg)
