दिवेश पोखरेल बने अमेरिकन आइडलको उपविजेता, उपाधि जस्ट सामलाई
<p>काठमाडौं। अमेरिकाको गायन रियालिटी शो अमेरिकन आइडलको उपाधि जस्ट सामले जितेकी छन्।</p>
<p>नेपाली युवा दिवेश पोखरेल (आर्थर गन) भने उपविजेता बनेका छन्। आज भएको फाइनलमा भोटिङका आधारमा साम अमेरिकन आइडल घोषित भएका हुन्।</p>
<p>दिवेश भने टप २ मा पुगेर भोट कम आउँदा उपाधि चुम्‍न चुकेका हुन्। उनी अमेरिकन आइडलको फाइनलमा पुग्‍ने पहिलो नेपाली बनेका छन्।</p>
<p>काठमाडौंको रविभवनमा जन्मेका दिवेश सन् २०१४ मा अमेरिका गएका हुन् ।</p>
<p>अडिशन राउण्डबाटै उत्कृष्‍ट प्रस्तुति दिँदै टप १० मा पुगेका उनी त्यसपछि टप ७ हुँदै उत्कष्‍ट २ मा परेका थिए। लकडाउनका कारण पछिल्ला दुई शृंखलामा प्रतियोगीले घरबाटै प्रस्तुति दिने व्यवस्था मिलाइएको थियो।</p>
<p>फाइनलमा पनि यही तरिका अपनाइएको थियो। टप ५ प्रतिस्पर्धीले घरबाटै गाएका थिए भने जजहरूले पनि घरबाटै हेरेका थिए। भिडियो कन्फरेन्समार्फत १८ औं अमेरिकन आइडलको घोषणा गरिएको हो।</p>
<p><strong>अमेरिकन आइडल बनेकी जस्ट साम को हुन् ?</strong><br />
उपाधि विजेता २१ वर्षीया जस्ट सामको वास्तविक नाम समन्था डियाज हो । उनी लाइबेरियन मुलकी अश्‍वेत गायिका हुन् ।</p>
<p style="text-align:center"><img alt="" height="426" src="https://www.dekhapadhi.com/storage/photos/shares/Entertainment/Just Sam.jpg" width="850" /></p>
<p>न्यूयोर्क निवासी सामले मिडल स्कुलदेखि नै न्यूयोर्कका सब-वे र ट्रेनहरूमा गाउने गर्थिन् । उनी सानो छँदा आमा जेल परेकाले उनलाई हजुरआमाले हुर्काएकी हुन् ।</p>
<p>उनले पहिलो अडिसनबाटै निर्णायकहरूलाई प्रभावित तुल्याउँदै आएकी थिइन् । सामलाई जिताउनका लागि लाइबेरियामा अभियान नै चलाइएको थियो ।</p>
<p>यो सिजनको एक मात्र महिला प्रतिस्पर्धीका रूपमा अगाडि बढ्दै आएकी उनले पहिलो अडिसनबाटै निर्णायकहरूलाई प्रभावित पार्दै आएकी थिइन्।</p>
प्रतिक्रिया दिनुहोस्
.jpg)
