स्टाफ नर्समा कोरोना संक्रमण देखिएपछि धनकुटा अस्पताल 'सिल', सबै स्वास्थ्यकर्मी क्वारेन्टाइनमा
<p>काठमाडौं। धनकुटा जिल्ला अस्पतालमा कार्यरत स्टाफ नर्समा कोरोना भाइरस संक्रमण पुष्‍टि भएपछि अस्पताल र आसपासको क्षेत्र 'सिल' गरिएको छ।</p>
<p>संक्रमणको जोखिमलाई ध्यान दिँदै अस्पतालको सबै सेवा बन्द गर्ने निर्णय गरिएको धनकुटाका सहायक प्रमुख जिल्ला अधिकारी एवं कोभिड-१९ कमाण्ड फोर्सका सूचना अधिकारी जयराम श्रेष्‍ठले <em>देखापढी</em>लाई बताए।</p>
<p>"अस्पतालका स्वास्थ्यकर्मी तथा कर्मचारीहरूलाई क्वारेन्टाइनमा राखिएको छ", सहायक प्रजिअ श्रेष्‍ठले भने, "उनीसँग सम्पर्कमा आएका बिरामीको पहिचान परीक्षण गर्न 'कन्ट्याक्ट ट्रेसिङ' थालेका छौं।"</p>
<p>धनकुटा अस्पतालमा बहिरङ्ग सेवाको इन्चार्ज रहेकी ३४ वर्षीया ती नर्सलाई कोरोना भाइरस संक्रमण पुष्‍टि भएको हो। उनी अस्पतालको प्रसूति विभागमा काम गर्थिन्।</p>
<p>मोरङको विराटचौक घर भएकी उनको श्रीमान पनि स्वास्थ्यकर्मी रहेको बताइएको छ। उनी मंसीरदेखि नै धनकुटा छाडेर कहीँ नगएको श्रेष्‍ठले जानकारी दिए।</p>
<p>"उहाँको श्रीमान फागुनमा होलीमा आउनुभएको रहेछ। अस्पताल आएका सेवाग्राहीबाटै संक्रमण भएसको हुनसक्ने प्रारम्भिक अनुमान गरिएको छ", उनले भने।</p>
प्रतिक्रिया दिनुहोस्
.jpg)
