आज गर्मी बढ्ने, तीन दिन मौसम सफा रहने
<p>काठमाडौं। आज देशको अधिकांश क्षेत्रको तापक्रम बढ्ने मौसम पूर्वानुमान महाशाखाले जनाएको छ।</p>
<p>तराईका भू-भागमा अत्यधिक गर्मीको सम्भावना रहेकोले सतर्कता अपनाउन अनुरोध गरिएको छ।</p>
<p>जल तथा मौसम विज्ञान विभागको पछिल्लो विवरण अनुसार काठमाडौंको तापक्रम १८ दशमलब ६ डिग्री सेल्सियस छ।</p>
<p>त्यस्तै विराटनगरको २६ डिग्री, सिमराको २५ दशमलब २ डिग्री, पोखराको २० दशमल ७ डिग्री, नेपालगञ्‍जको २२ डिग्री, धनगढीको तापक्रम २१ डिग्री सेल्सियस छ।</p>
<p>आज पहाडी भूभागका केही ठाउँमा अपरान्हपछि क्षणिक वर्षातको अनुमान गरिएको छ।</p>
<p>अहिले पहाडी क्षेत्रका केही स्थानमा आंशिक बदली रहेको र बाँकी क्षेत्रमा मौसम सफा रहेको महाशाखाले जनाएको छ।</p>
<p>भोली र पर्सी दुई दिन पनि सामान्यतया मौसम सफा रहने बताइएको छ।</p>
प्रतिक्रिया दिनुहोस्
.jpg)
