सैनिक पोशाक दुरूपयोग गर्ने पक्राउ
<p>काठमाडौं। सैनिक पोशाक दुरूपयोग गर्ने एकजना पक्राउ परेका छन्।</p>
<p>लकडाउनका बेला सैनिक पोशाक लगाएर सवारीसाधन चलाइरहेको अवस्थामा दोलखाका सुशील खड्कालाई पक्राउ गरिएको हो।</p>
<p>बाँसबारी क्षेत्रमा होटल सञ्चालन गर्दै आएका खड्कालाई बाँसबारी जाने क्रममा पक्राउ गरिएको नेपाली सेनाले जनाएको छ।</p>
<p>सेनाका अनुसार खड्का सैन्य आधार तालिममा रहँदा २०६८ सालका भगौडा रहेको खुलेको छ।</p>
<p>उनलाई सैनिक प्रहरी गणमा राखी कारबाही अघि बढाइएको सेनाले जनाएको छ।</p>
<p>नेपाली सेनाले उपत्यकाभित्रका विभिन्न स्थानमा ट्राफिक प्रहरीसँगको समन्वयमा सैनिक सवारीसाधन र सैनिक पोशाक लगाउने सैनिक व्यक्तिहरूको जाँच गरेको थियो।</p>
प्रतिक्रिया दिनुहोस्
.jpg)
