बर्दियाका काेराेना संक्रमित कालीमाटीका व्यवसायी
<p>बर्दिया। कोरोना भाइरसको संक्रमण पुष्टि भएका बर्दियाका २८ वर्षीय पुरुष काठमाडौं, कालीमाटीका व्यवसायी भएको खुलेकाे छ। </p>
<p>जिल्ला सदरमुकाम गुलरिया नगरपालिका-११, लालपुरका स्थायी बासिन्दा उनी लकडाउनका बेला घर आएकाे र पाँच दिनअघि काठमाडौं फर्किएको स्थानीय प्रशासनले जनाएको छ।</p>
<p>काठमाडौंमा स्वाब परीक्षणपछि मात्र उनमा कोरोनाको संक्रमण भएको पुष्टि हो।</p>
<p>उनलाई कोरोना पुष्टि भएपछि लालपुर हिजाे दिउँसोदेखि बन्द गरिएको छ।</p>
<p>कालीमाटीमा राँगाको मासु व्यापार गर्दै आएका संक्रमित पुरुष २९ वैशाखमा लालपुरबाट ट्रक चढेर काठमाडौंं गएका थिए। उनी चढेको ट्रक धनगढीको रहेको र सोही ट्रकमा उनी काठमाडौं गएकाे जिल्ला स्वास्थ्य कार्यालयका प्रमुख गोकर्ण गिरीले जानकारी दिए।</p>
<p>उनको सम्पर्कमा आएकाहरूको खोजी भइरहेको छ। संक्रमितका परिवारमा २२ जना छन्।</p>
<p>सबैको आज पीसीआर परीक्षण गर्ने तयारी भएको स्वास्थ्य प्रमुख गिरीले जानकारी दिए।</p>
<p>हिजाे दिउँसोदेखि लालपुरका कसैलाई पनि घरबाहिर निस्कन प्रतिबन्ध लगाइएको प्रमुख जिल्ला अधिकारी प्रेमलाल लामिछानेले बताए। </p>
<p>बर्दियामा हालसम्म दुईजनामा कोरोना पुष्टि भइसकेको छ। <em>रासस</em></p>
प्रतिक्रिया दिनुहोस्
.jpg)
