.jpg)
निजी अस्पतालले आरडीटी परीक्षण गर्न पाउने
<p>काठमाडौं। निजी तथा सामुदायिक अस्पतालहरूले कोरोना भाइरसको आरडीटी परीक्षण गर्न पाउने भएका छन्। </p>
<p>स्वास्थ्य तथा जनसंख्या मन्त्रालयका अनुसार अनुमति लिएर निजी तथा सामुदायिक अस्पतालहरूले आरडीटी परीक्षण गर्न पाउने भएका हुन्। </p>
<p>मन्त्रालयका प्रवक्ता डा. विकास देवकोटाले कोरोना भाइरसको परीक्षणमा सहजता प्रदान गर्न निजी तथा सामुदायिक अस्पतालाई आरडीटी परीक्षण गर्न पाउनेगरी निर्देशिका जारी गरिएको बताए।</p>
<p>यसअघि निजी तथा सामुदायिक अस्पतालले परीक्षण गर्न पाउँदैनथिए। </p>
<p>परीक्षण उपत्यकाभित्र रहेका अस्पतालहरूले स्वास्थ्य सेवा विभाग र बाहिरका अस्पतालहरूले प्रदेश स्वास्थ्य निर्देशनालयबाट अनुमति लिनुपर्ने व्यवस्था गरिएको छ।</p>
<p>वक्ता देवकोटाका अनुसार निजी अस्पतालहरूले जनस्वास्थ्य प्रयोशालाले सार्वजनिक सूचीमा उल्लेख गरेका आरडीटी किटहरूको मात्रै प्रयोग गर्न पाउनेछन्। </p>
<p>परीक्षणपश्चात् दैनिक रूपमा अस्पतालहरूले त्यसको विवरण राष्ट्रिय जनस्वास्थ्य प्रयोगाशालामा पेश गर्नुपर्ने छ। </p>
<p>निजी तथा सामुदायिक अस्पतालहरूले आरडीटी परीक्षणबापत शुल्क लिन पाउनेछन्। किट खरिद गरेको मुल्यमा बढीमा २० प्रतिशत शुल्क लिएर परीक्षण गर्न पाउने मन्त्रालयका प्रवक्ता डा. विकास देवकोटाले बताए। </p>
प्रतिक्रिया दिनुहोस्
.jpg)
