नेपालमा कोभिड-१९ बाट दोस्रो व्यक्तिको मृत्यु
<p>काठमाडौं। बाँकेको नरैनापुर गाउँपालिकाका एक युवकको कोरोना भाइरस संक्रमणकै कारण मृत्यु भएको पुष्टि भएको छ। </p>
<p>उनी नेपालमा कोभिड-१९ बाट मृत्यु हुने दोस्रो व्यक्ति हुन्। स्वास्थ्य तथा जनसंख्या मन्त्रालयले अहिले भर्खरै यसको पुष्टि गरेको छ।</p>
<p>गाउँपालिकाको- ५ नम्बर वडामा बनाइएको क्वारेन्टाइनमा बसेका २५ वर्षीय युवकको स्वास्थ्य अवस्था असामान्य बनेपछि अस्पताल लैजान नपाउँदै आज बिहान मृत्यु भएको थियो।</p>
<p>हिजो, ३ जेठ साँझ नै उनको स्वाबको नमूना संकलन भइसकेको थियो। आज आएको परीक्षणको नतिजामा उनमा कोरोना भाइरस संक्रमण पुष्टि भएको हो। </p>
<p>भारतको मुम्बईबाट आएका उनलाई ३० वैशाखमा गाउँपालिकाको क्वारेन्टाइनमा राखिएको थियो।</p>
<p>यसअघि नेपालमा पहिलोपटक १ जेठमा सिन्धुपाल्चोकी २९ वर्षीया महिला कोरोना भाइरस संक्रमणका कारण मृत्यु भएको हिजाे ३ जेठमा पुष्टि भएको थियो।</p>
<p>उनको धुलिखेल अस्पतालमा मृत्यु भएको थियो। </p>
प्रतिक्रिया दिनुहोस्
.jpg)
