सुदूरपश्चिममा १४९३ जना क्वारेन्टाइनमा, सबै भारतबाट फर्किएका
<p>कैलाली। सुदुरपश्‍चिम प्रदेशमा अहिले एक हजार ४९३ जना क्वारेन्टानमा रहेका छन्।</p>
<p>सुदुरपश्‍चिम स्वास्थ्य निर्देशनालयले दिएको जानकारी अनुसार प्रदेशका नौ जिल्लाका क्वारेन्टाइनमा १३३ जना महिला र एक हजार ३६० पुरुष छन्।</p>
<p>उनीहरू सबै भारतबाट आएर क्वारेन्टाइनमा बसेको भन्दै निर्देशनालयले सबैजनाको स्वास्थ्य अवस्था सामान्य रहेको छ।</p>
<p>क्वारेन्टाइनमा सबैभन्दा बढी कैलालीमा ५५८ जना रहेका छन। कञ्‍चनपुरमा १०६, डोटीमा ९, दार्चुलामा ७६, डडेल्धुरामा ५५ जना रहेका छन्।</p>
<p>त्यस्तै, बाजुरामा ९० जना, बझाङमा २९२ जना, बैतडीमा २२२ र अछाममा ८५ जना छन्।</p>
<p>हालसम्म तीन हजार ७४८ जनाको पीसीआर जाँचका लागि नमूना संकलन गरिएकोमा तिन हजार ४१४ जनाको रिपोर्ट आइसकेको छ।</p>
<p>जसमा ५ जनाका कोभिड-१९ पोजिटिभ देखिएका थियो। उनीहरू पाँचै जना निको भएर घर फर्किसकेका छन्।</p>
<p>निर्देशनालयका अनुसार ३३४ जनाको रिपोर्ट आउन बाँकी छ।</p>
<p>त्यस्तै आरडीटी विधिबाट परीक्षण गरिएका १८ हजार २६९ जना मध्ये ३२ जनाको रिपोर्ट पोजिटिभ देखिएको छ।</p>
<p>यसैगरी प्रदेशभरी संक्रमण सम्भावित ११ जना विभिन्‍न अस्पतालको आइसोलेसनमा रहेका छन्।</p>
<p>जसमा जिल्ला अस्पताल बझाङमा ८ जना र डोटी, बैतडी र डडेल्धुरा जिल्ला अस्पतालमा १/१ जना छन्।</p>
प्रतिक्रिया दिनुहोस्
.jpg)
