कोरोना संक्रमणबाट मृत्यु भएकी महिलाको ११ दिने शिशुसहित परिवार नै आइसोलेसनमा
<p>काठमाडौं। कोरोना संक्रमणबाट मृत्यु भएकी सिन्धुपाल्चोक बाह्रबिसे नगरपालिकाकी २९ वर्षीया महिलाको १२ दिने शिशुसहित परिवारका सदस्यहरूलाई आइसोलेसनमा राखिएको छ।</p>
<p>१२ दिने शिशु, मृतकका श्रीमान, आमा र बहिनीलाई अस्पतालको आइसोलेसनमा राखिएको धुलिखेल अस्पतालका प्रमुख डा. रमेशमकाजु श्रेष्ठले जानकारी दिए।</p>
<p>“हामीले उहाँहरू सबैको स्वाब नमूना संकलन गरेर परीक्षण गर्दैछौं”, उनले भने,“रिपोर्ट आएपछि उनीहरूमा संक्रमण छ वा छैन यकिन हुन्छ।”</p>
<p>उनीहरू अस्तिदेखि नै अस्पतालमा रहेका छन्। </p>
<p>सिन्धुपाल्चोकको बाह्रविसे नगरपालिका-९, राम्चेकी महिलाको बिहीबार धुलिखेल अस्पतालमा मृत्यु भएको थियो।</p>
<p>स्वास्थ्य तथा जनसंख्या मन्त्रालयले कोरोना संक्रमणका कारणले उनको मृत्यु भएको पुष्टि गरिसकेको छ।</p>
<p>कोरोना संक्रमणबाट नेपालमा मृत्यु भएको यो पहिलो घटना हो।</p>
<p>काठमाडौं नै बस्ने ती महिला सुत्केरी व्यथा लागेपछि २३ वैशाखमा महाराजगञ्जस्थित त्रिवि शिक्षण अस्पताल गएकी थिईन्। उनको २४ वैशाखमा 'नर्मल डेलिभरी' भएको थियो।</p>
प्रतिक्रिया दिनुहोस्
.jpg)
