कोरोनाबाट मृत्यु भएकी महिलाको गाउँ सिन्धुपाल्चोकको बाह्रबिसेमा चिकित्सक टोली जाँदै
<p>काठमाडौं। सिन्धुपाल्चोकको बाह्रबिसे नगरपालिका- ९ राम्चेकी २९ वर्षीया महिलाको कोभिड-१९ बाट मृत्यु भएपछि अनुसन्धानका लागि चिकित्सकको टोली त्यसतर्फ जाने भएको छ।</p>
<p>बाह्रबिसेमा गएर गर्नुपर्ने अनुसन्धान लगायतका विषयमा मन्त्रालयका अधिकारीबीच बैठक बसेर छलफल भएको थियो।</p>
<p>कोरोना भाइरसको संक्रमणबाट नेपालमा पहिलोपटक एक महिलाको मृत्यु भएपछि त्यसको अनुसन्धान गर्न विज्ञ चिकित्सकसहितको टोली पठाउन लागिएको हो।</p>
<p>“टोलीले मृतक महिलाको घर, माईती गाउँ र आसपास क्षेत्रमा उनको सम्पर्कमा आएका व्यक्तिहरूका बारेमा अध्ययन गर्नेछ”, मन्त्रालयका एक अधिकारीले भने।</p>
<p>बाह्रबिसे नगरपालिकाका मेयर निमपुन्जो शेर्पाले मन्त्रालय र बागमती प्रदेश सरकारबाट अध्ययन अनुसन्धानको लागि स्वास्थ्यकर्मीहरूको टोली आउन लागेको जानकारी दिए।</p>
<p>“बाह्रबिसेमा स्वास्थ्य केन्द्र, मृतक महिलाको घर,माईती लगायत क्षेत्रमा मृतक महिलाको सम्पर्कमा रहेका मानिसहरुको नमूना संकलन गर्ने भनिएको छ”, उनले <em>देखापढी</em>सँग भने भने-“चिकित्सकहरुको टोलीले थप अनुसन्धान पनि गर्ने भन्ने खबर आएको छ।”</p>
<p>सिन्धुपाल्चोकको बाह्रबिसे-९ राम्चेकी २९ वर्षीया महिलाको कोरोना संक्रमणबाट शनिबार धुलिखेल अस्पतालमा मृत्यु भएको थियो।</p>
<p>सिन्धुपाल्चोकमा कोरोना संक्रमणबाट एक महिलाको मृत्यु भएपछि हिजो, ३ जेठ राति नै सभामुख अग्निप्रसाद सापकोटा र स्वास्थ्य तथा जनसंख्या मन्त्री भानुभक्त ढकालबीच टेलिफोन कुराकानी भएको थियो।</p>
<p>सभामुखका प्रेस संयोजक श्रीधर न्यौपानले सभामुख र स्वास्थ्यमन्त्रीबीच त्यहाँको परीक्षण, अनुसन्धान, अपनाउनुपर्ने थप सजगता लगायतका बारेमा छलफल भएको जानकारी दिए।</p>
<p>स्वास्थ्यमन्त्री भानुभक्त ढकालले छलफलका क्रममा त्यहाँ चिकित्सकसहितको टोली पठाएर संक्रमणका बारेमा अनुसन्धान र जाँच तीव्र बनाउने बताएका थिए।<br />
<br />
स्वास्थ्य तथा जनसंख्या मन्त्रालयका नीति योजना महाशाखा प्रमुख डा. गुणराज लोहनी नेतृत्वको चिकित्सको टोली बाह्रबिसे पठाउन लागिएकव बताइएको छ।</p>
<p>मन्त्रालयको टोलीसँगै बागमती प्रदेश सरकारको टोली पनि त्यहाँ जानेछ। कोरोना संक्रमणबाट महिलाको मृत्यु भएको पुष्टि भइसकेपछि उनको गाउँ राम्चे, माईती गाउँ लगायत आसपास क्षेत्र हिजो नै 'सिल' गरिसकिएको छ।</p>
<p>आज त्यहाँ पुग्ने चिकित्सकसहितको स्वास्थ्यकर्मीहरुको टोलीले सबैको स्वाब नमूना संकलन गर्ने भएको छ।</p>
<p>नगरपालिका क्षेत्रका सम्भावित क्षेत्रहरुमा थप सुरक्षा सतर्कता अपनाइएको बाह्रबिसे नगरपालिकाले जनाएको छ।</p>
प्रतिक्रिया दिनुहोस्
.jpg)
