बाँकेमा मुम्बईबाट आएका युवकको क्वारेन्टाइनमा मृत्यु, स्वाब परीक्षण हुँदै
<p>काठमाडौं। बाँकेको नरैनापुर गाउँपालिकामा रहेको एक क्वारेन्टाइनमा बसेका २५ वर्षीय युवकको आज बिहान मृत्यु भएको छ।</p>
<p>आज बिहान स्वास्थ्य अवस्था असामान्य बनेपछि अस्पताल लैजान नपाउँदै उनको मृत्यु भएको जिल्ला प्रहरी कार्यालय बाँकेका प्रमुख एसपी वीरवहादुर ओलीले देखापढीलाई बताए।</p>
<p>उनको मृत्युको कारण खुलेको छैन। भारतको मुम्बईबाट आएका उनलाई ३० वैशाखमा गाउँपालिकाको क्वारेन्टाइनमा राखिएको थियो।</p>
<p>हिजो, ३ जेठ साँझ नै उनको स्वाबको नमूना संकलन गरिएको थियो। त्यसको रिपोर्ट आइसकेको छैन।</p>
<p>एसपी ओलीले रिपोर्ट आइनसकि अहिले नै मृत्युको यकिन कारण भन्न नसकिने बताए।</p>
<p>त्यहाँ अहिले उच्च सुरक्षा सतर्कता अपनाइएको छ।</p>
<p>क्वारेन्टाइनमा बसेका युवकको मृत्यु भएपछि नरैनापुरवासी त्रसित भएका छन्।</p>
<p>ती युवकलाई राति देखि नै समस्या देखिन थालेको थियो।</p>
<p>एकैदिन आठ संक्रमित भेटिएको नरैनापुरमा संक्रमितको सम्पर्कमा आएका २६३ जनाको हिजो स्वाब संकलन गरिएको थियो।</p>
प्रतिक्रिया दिनुहोस्
.jpg)
