रौतहटमा थप १० जनामा कोरोना संक्रमण, नेपालभर २९१ पुगे संक्रमित
<p>काठमाडौं। नेपालमा थप १० जनामा कोरोना भाइरसको संक्रमण देखिएको छ।</p>
<p>संक्रमित भेटिएकाहरू सबै रौतहटका छन्।</p>
<p>योसँगै नेपालभर कूल संक्रमितको संख्या २९१ पुगेको छ।</p>
<p>स्वास्थ्य तथा जनसंख्या मन्त्रालयका अनुसार रौतहट राजपुर नगरपालिका फरहदवा-९ का सातजना र इशनाथ नगरपालिका-३ र ५ का तीनजनामा कोभिड-१९ पुष्टि भएको हो।</p>
<p>आज बिहान सवा ७ बजे अद्यावधिक गरिएको विवरण अनुसार राजपुर नगरपालिका फरहदवा-९ का १८, ३२, ३६, ३९ (दुईजना) ४२, ४८ वर्षका पुरुष छन्।</p>
<p>त्यस्तै रौतहटका इशनाथ नगरपालिका ३ र ५ निवासी २८, ३० र ३३ वर्षीय पुरुषमा पनि संक्रमण पाइएको छ।</p>
<p>टेकुस्थित राष्‍ट्रिय जनस्वास्थ्य प्रयोगशालामा गरिएको परीक्षणमा उनीहरूको नतिजा पोजिटिभ आएको मन्त्रालयका सह-प्रवक्ता डा. समिरकुमार अधिकारीले जानकारी दिए।</p>
<p>सबैजनाको स्वास्थ्य अवस्था सामान्य रहेको भन्दै उनीहरू स्वास्थ्यकर्मीको सम्पर्कमा रहेका मन्त्रालयले जनाएको छ।</p>
<p>कोरोना संक्रमणबाट हिजो सिन्धुपाल्चोककी २९ वर्षीया सुत्केरीको मृत्यु भएको छ। कोभिड-१९ बाट मृत्यु हुने उनी पहिलो व्यक्ति हुन्।</p>
<p>मन्त्रालयका अनुसार अहिलेसम्म निको हुने ३६ जना छन्।</p>
प्रतिक्रिया दिनुहोस्
.jpg)
