नेपाली सेनाका उपरथीलाई कोरोना संक्रमण पुष्टि
<p>काठमाडौं। राष्ट्रिय जनस्वास्थ्य प्रयोगशाला टेकुमा संक्रमण पुष्टि भएका ५२ वर्षीय पुरुष नेपाली सेनाको एउटा पृतनाका प्रमुख रहेको पुष्टि भएको छ।</p>
<p>उपरथी दर्जाका ती पृतनापतिलाई कोरोना संक्रमण पुष्टि भएको उच्च सुरक्षा स्रोतले <em><strong>देखापढी</strong></em>लाई बतायो।</p>
<p>उनको दिनअघि स्वाबको नमूना संकलन गरिएको थियो। काठमाडौंमा गरिएको परीक्षणमा उनलाई कोरानाको संक्रमण पुष्टि भएको हो।</p>
<p>आजै संक्रमण पुष्टि भएका काभ्रेका २६ वर्षीय पुरुष पनि साेही पृतनामा कार्यरत सैनिक कर्मचारी हुन्।</p>
<p>स्वास्थ्य तथा जनसंख्या मन्त्रालयले दिउँसो नियमित पत्रकार सम्मेलनका क्रममा काभ्रेका २६ वर्षीय पुरुष र महोत्तरीका ५२ वर्षीय पुरुषमा संक्रमण देखिएको जानकारी गराएको थियो।</p>
<p>नेपाली सेनाका प्रवक्ता, सहायक रथी विज्ञानदेव पाण्डेले <a href="https://www.dekhapadhi.com/news/12766" target="_blank"><span style="color:#c0392b">दुवैजना सैनिक कर्मचारी रहेको पुष्टि </span></a>गरेपनि दर्जा खुलाएका थिएनन्।</p>
<p>यसअघि सशस्त्र प्रहरी बलका कर्मचारी र नेपाल प्रहरीका कर्मचारीमा पनि संक्रमण पुष्टि भइसकेको छ।</p>
<p>आजै जिल्ला प्रहरी कार्यालय बारामा कार्यरत एकजना प्रहरी कर्मचारीमा संक्रमण पुष्टि भएको थियो।</p>
<p>नेपालमा संक्रमितको संख्या २८१ पुगेको छ। अहिलेसम्म ३६ जना निको भएर घर फर्किसकेका छन्। एकजनाको मृत्यु भएको छ। </p>
प्रतिक्रिया दिनुहोस्
.jpg)
