कर्णाली नदीमा डुंगा दुर्घटना, बेपत्ताको खोजी हुँदै
<p>सुर्खेत। सुर्खेत र कैलालीको सीमा क्षेत्र कर्णाली नदीमा हिजाे साँझ डुंगा दुर्घटनामा परी बेपत्ता तीनजनाको खोजी भइरहेको छ।</p>
<p>जिल्ला प्रहरी कार्यालय सुर्खेतका अनुसार बेपत्ता हुनेमा कैलालीको मोहन्याल गाउँपालिका–२, कोलतडीकी २५ वर्षीया मान्कु विक र उनका चार वर्षीय छोरा धनबहादुर विक तथा पश्चिम सुर्खेतको चौकुने गाउँपालिका-२, धमुका १० वर्षीय हिरु विक रहेका छन्।</p>
<p>हिरु मान्कुका दाइ डम्मर विकका छोरा भएको बताइएको छ।</p>
<p>चौकुने-२, धमुबाट कैलालीको मोहन्याल गाउँपालिका-२, कोलतडी जाने क्रममा डुंगा दुर्घटना भएको हो। बेपत्ताको कैलाली प्रहरीले खोजी कार्य जारी राखेको छ।</p>
<p>सुर्खेत प्रहरीका सूचना अधिकारी एवं प्रहरी निरीक्षक गोपाल रायमाझीले लकडाउनका कारण सुर्खेततर्फबाट पुल, डुंगा बन्द भएपछि कैलालीतर्फबाट डुंगा चढेर माइतीगाउँ चौकुनेको धमु आएको बताए।</p>
<p>दुईजना डुंगा चालक भने पौडी खेलेर बाँच्न सफल भएका छन्।</p>
<p>चौकुने गाउँपालिकाले लकडाउनसँगै आफ्नो क्षेत्रमा पर्ने झोलुङ्गे पुलमा आवतजावत बन्द गर्नुका साथै डु‌ंगा चलाउन रोक लगाएको छ। <em>रासस</em></p>
प्रतिक्रिया दिनुहोस्
.jpg)
