दुईजना सैनिकमा कोरोना संक्रमण भएको नेपाली सेनाले गर्यो पुष्टि
<p style="text-align:justify">काठमाडौं। महोत्तरी र काभ्रेमा संक्रमण पुष्टि भएका दुईजना नेपाली सेनामा कार्यरत सैनिक कर्मचारी रहेको पुष्टि भएको छ।</p>
<p style="text-align:justify">नेपाली सेनाका प्रवक्ता, सहायक रथी विज्ञानदेव पाण्डेले दुवैजना सैनिक कर्मचारी रहेको पुष्टि गरे।</p>
<p style="text-align:justify">राष्ट्रिय जनस्वास्थ्य प्रयोगशाला टेकुमा गरिएको परीक्षणमा उनीहरू दुवैजनालाई संक्रमण पुष्टि भएको हो।</p>
<p style="text-align:justify">सैनिक कर्मचारीमा पहिलोपटक संक्रमण देखिएको हो।</p>
<p style="text-align:justify">सैनिक प्रवक्ता पाण्डेले दुवैजना नेपाली सेनाको मध्यपूर्वी पृतना, महोत्तरीमा कार्यरत रहेका जानकारी दिए।</p>
<p style="text-align:justify">महोत्तरीका ५२ वर्षीय पुरुष र काभ्रेका २६ वर्षीय युवकमा संक्रमण देखिएको थियो।</p>
<p style="text-align:justify">संक्रमण पुष्टि भएका दुवैजनालाई उपचारका लागि बलम्बुस्थित सशस्त्र प्रहरी बलको कोरोना अस्पतालमा ल्याउन लागिएको छ।</p>
<p style="text-align:justify">यसअघि <a href="https://www.dekhapadhi.com/news/12599" target="_blank"><span style="color:#c0392b;">सशस्त्र प्रहरी बलका कर्मचारी</span></a> र नेपाल प्रहरीका कर्मचारीमा पनि संक्रमण पुष्टि भइसकेको छ।</p>
<p style="text-align:justify">आजै जिल्ला प्रहरी कार्यालय <a href="https://www.dekhapadhi.com/news/12752" target="_blank"><span style="color:#c0392b;">बारामा कार्यरत एकजना प्रहरी कर्मचारीमा संक्रमण पुष्टि </span></a>भएको थियो।</p>
<p style="text-align:justify">योसँगै नेपालमा संक्रमितको संख्या २७८ पुगेको छ। अहिलेसम्म ३६ जना निको भएर घर फर्किसकेका छन्।</p>
<p style="text-align:justify"><strong>पढ्नुहोस्</strong></p>
<p style="text-align:justify"><strong><a href="https://dekhapadhi.com/news/12759" target="_blank">थप दुईजनामा काेराेना संक्रमण पुष्टि, नेपालमा संक्रमितको संख्या २७८ पुग्यो</a></strong></p>
.jpg)
