३२० जना आइसोलेसनमा, २४ घण्टामा दुई हजार पाँच सयको पीसीआर परीक्षण
<p style="text-align:justify">काठमाडौं। कोरोना भाइरस संक्रमणको कहर बढेसँगै देशैभर अहिलेसम्म ३२० जना आइसोलेसनमा रहेका छन्।</p>
<p style="text-align:justify">यसमध्ये २७८ जना संक्रमित र ४२ जना सम्भावित संक्रमित रहेका स्वास्थ्य तथा जनसंख्या मन्त्रालयका मन्त्रालयका प्रवक्ता डा. विकास देवकोटाले बताए। </p>
<p style="text-align:justify">कोभिड-१९ का संक्रमित र सम्भावित संक्रमितलाई आइसोलेसनमा राखेर उपचार गर्ने गरिन्छ। </p>
<p style="text-align:justify">पछिल्लो २४ घण्टामा पीसीआर विधिबाट २ हजार ५७९ र आरडीटी किट विधिबाट २ हजार ६६४ नमूना परीक्षण भएका छन्।</p>
<p style="text-align:justify">देशैभर आजसम्म पीसीआर विधिबाट २६ हजार ६९१ नमूना परीक्षण गरिएका छन्। त्यस्तै, आरडीटी किट विधिबाट ६५ हजार ७४९ नमूना परीक्षण गरिएको मन्त्रालयले जनाएको छ।</p>
<p style="text-align:justify">क्वारेन्टाइनमा १६ हजार ३६६ जना रहेका छन्।</p>
<p style="text-align:justify">आफ्नो स्वास्थ्य अवस्थाबारे ३७ हजार ९५७ ले फारम भरेका छन्। तीमध्ये ३६६ जनालाई रेडजोनमा राखिएको छ।</p>
<p style="text-align:justify">नेपालमा संक्रमितको संख्या २७८ जना पुगेको मन्त्रालयले जनाएको छ। तीमध्ये २२४ पुरुष र ५४ जना महिला रहेका छन्। ३६ डिस्चार्ज भइसकेका छन्।</p>
<p style="text-align:justify">मन्त्रालयका अनुसार प्रदेश १ मा ३६, २ मा १०९, बागमती प्रदेशमा १६, गण्डकी प्रदेशमा ३, प्रदेश ५ मा १०९ र सुदूरपश्चिममा ५ जना संक्रमित देखिएका छन्।</p>
<p style="text-align:justify">कर्णाली प्रदेशमा भने अहिलेसम्म संक्रमण देखिएको छैन।</p>
.jpg)
