बाह्रबिसे प्राथमिक स्वास्थ्य केन्द्र ‘सिल’, राम्चेमा सुरक्षाकर्मी परिचालन
<p>काठमाडौं। धुलिखेल अस्पतालमा मृत्यु भएकी सिन्धुपाल्चोककी एक सुत्केरीमा कोरोना पोजिटिभ देखिएपछि उनको प्रारम्भिक स्वास्थ्य परीक्षण गरिएको बाह्रबिसेस्थित प्राथमिक स्वास्थ्य केन्द्र ‘सिल’ गरिएको छ।</p>
<p>त्यसैगरी, उनको स्थायी घर रहेको बाह्रबीसे नगरपालिका–९, राम्चेमा भने सुरक्षाकर्मी खटाइएको बाह्रबिसे नगरपालिकाका मेयर निमफुन्जो शेर्पाले बताए।</p>
<p>२४ वैशाखमा त्रिवि शिक्षण अस्पतालमा सुत्केरी भएपछि उनी २६ वैशाखमा राम्चे गएकी थिइन्। केही दिनमा उनलाई उच्च ज्वरो र श्वासप्रश्वाससम्बन्धी समस्या देखिएपछि बाह्रबिसे स्वास्थ्य केन्द्रमा उनको प्रारम्भिक स्वास्थ्य परीक्षण भएको थियो।</p>
<p>स्वास्थ्य केन्द्रका दुईजना मेडिकल अधिकृतले सुत्केरीको स्वास्थ्य परीक्षण गरेका थिए।</p>
<p>काठमाडौं बस्दै आएकी ती महीला सुत्केरी भएपछि सिन्धुपाल्चोकस्थित घर गएकी थिइन्।</p>
<p>स्वास्थ्य केन्द्रकी मेडिकल अधिकृत डा. निशान्त शर्माले उनको मृत्यु भएको थाहा पाएकै बेलादेखि सेल्फ क्वारेन्टाइनमा बसेको र बिरामी जाँच्न छाडेको बताइन्।</p>
<p><strong>यो पनि पढ्नुहोस्</strong></p>
<p><strong><a href="https://www.dekhapadhi.com/news/12755" target="_blank">धुलिखेल अस्पतालमा मृत्यु भएकी सुत्केरीमा कोरोना संक्रमण पुष्टि</a></strong></p>
प्रतिक्रिया दिनुहोस्
.jpg)
