चीनमा २४ घण्टामा कोभिड-१९ का आठ नयाँ बिरामी
<p>बेइजिङ। चीनमा पछिल्लो २४ घण्टामा कोभिड-१९ को आठ नयाँ बिरामी फेला परेका छन्।</p>
<p>गत बिहीबार चारजना नयाँ बिरामी फेला परेका थिए। पछिल्लो २४ घण्टामा देखिएका नयाँ बिरामीमध्ये ६ जना विदेशबाट चीन फर्केका थिए।</p>
<p>अरू दुई बिरामी जिलिन प्रान्तका हुन्। र, उनीहरूलाई स्थानीयस्तरमै संक्रमण भएको हो।</p>
<p>यस्तै, लक्षण नदेखिएका ११ बिरामी फेला परेका छन्। गत बिहीबार पनि ११ जना लक्षण नदेखिएका बिरामी फेला परेका थिए।</p>
<p>कोरोना भाइरसको उद्‍गमस्थल चीनमा हालसम्म ८२ हजार नौ सय ४१ जनामा संक्रमण देखिएको छ। तीमध्ये चार हजार ६ सय ३३ जनाले ज्यान गुमाएका छन्।</p>
प्रतिक्रिया दिनुहोस्
.jpg)
