भारतमा सडक दुर्घटनामा २४ मजदुरको मृत्यु
<p>नयाँदिल्ली। भारत उत्तरप्रदेशमा आज बिहान भएको सडक दुर्घटनामा २४ जना मजदुरले ज्यान गुमाएका छन्। </p>
<p>उत्तरप्रदेशको औरैया जिल्लामा दुई ट्रक आपसमा जुधेका थिए। ट्रकमा सवार मजदुरहरूको मृत्यु भएको हो। </p>
<p>घटनामा धेरै मजदुर घाइते छन्। उनीहरूको स्थानीय अस्पतालमा उपचार भइरहेको छ।</p>
<p>लकडाउन लम्बिँदै जाँदा दैनिक छाक टार्न समस्या भएपछि उनीहरू राजस्थानबाट आ-आफ्नो घर जाँदै थिए।</p>
<p>मृतक र घाइते मजदुरहरू पश्‍चिम बंगाल, बिहार र झारखण्डका बासिन्दा हुन्।</p>
<p>उत्तरप्रदेशका मुख्यमन्त्री योगी आदित्यनाथले घाइतेको उपचारमा कुनै कसर नछाड्न र मृतकका परिवारलाई तत्काल राहत पुर्‍याउन अधिकारीहरूलाई निर्देशन दिएका छन्। उनले दुर्घटनाको कारण अनुसन्धान गर्न पनि निर्देशन दिएका छन्।</p>
प्रतिक्रिया दिनुहोस्
.jpg)
