अमेरिकी संसद्मा विपक्षी दलको विधेयक पारित, अमेरिकी इतिहासमै ठूलो राहत प्याकेज
<p>वासिङ्टन। विरोधका बावजुद अमेरिकी संसद्को तल्लो सदन हाउस अफ रिप्रिजेन्टेटिभले तीन ट्रिलियन डलरको कोभिड-१९ विधेयक पारित गरेको छ।</p>
<p>विधेयकका पक्षमा दुई सय आठ र विपक्षमा एक सय ९९ भोट खसेको थियो।</p>
<p>विपक्षी डेमोक्रेटिक पार्टीका १४ सांसदले विधेयकको विपक्षमा मतदान गर्न पार्टी लाइन क्रस गरे। एक रिपब्लिकन सांसदले विधेयकको पक्षमा मतदान गरे भने अरूले विपक्षमा।</p>
<p>यो कानूनले विपक्षी दल डेमोक्रेटिक पार्टीको प्राथमिकता दर्शाउँछ। र, अमेरिकाको इतिहासमै सबैभन्दा ठूलो राहत प्याकेज पारित गरेको छ।</p>
<p>कोभिड-१९ को संकटबाट पार पाउन उक्त राहत प्याकेज अत्यावश्यक भएको डेमोक्रेटिक पार्टीका नेताहरूको तर्क छ। संसद्को माथिल्लो सदन सिनेटबाट भने यो विधेयक पारित हुने सम्भावना कमजोर छ, जहाँ सत्तारुढ रिपब्लिकन पार्टीको वर्चश्‍व छ।</p>
प्रतिक्रिया दिनुहोस्
.jpg)
