भारतलाई भेन्टिलेटर दान दिने घोषणा गर्दा दंग ट्रम्प
<p>वासिङ्टन। भारतले मलेरियालविरुद्धको औषधि हाइड्रोक्सिक्लोरोक्‍वाइन निर्यातमा प्रतिबन्ध लगाउँदा अमेरिकी राष्‍ट्रपति डोनाल्ड ट्रम्प क्रुद्ध बनेका थिए। आवेशमा आएर उनले भारतविरुद्ध कठोर कदम उठाउने चेतावनी नै दिए।</p>
<p>भारतले हाइड्रोक्सिक्लोरोक्‍वाइनको निर्यात खुकुलो बनाएको केही सातापछि ट्रम्प दक्षिण एशियाको आफ्नो साझेदार मुलुकप्रति अनुगृहीत देखिएका छन्।</p>
<p>उनले ट्विटरमार्फत भारतलाई कोरोना भाइरसविरुद्ध लड्न भेन्टिलेटर दान गर्ने घोषणा गरेका छन्।</p>
<p>“मलाई यो बताउँदा खुशी लागिरहेको छ, अमेरिका आफ्नो साथी भारतलाई भेन्टिलेटर दान गर्दैछ। हामी यस महामारीको समयमा भारत र नरेन्द्र मोदीका साथमा छौं। हामी खोप बनाउने दिशामा पनि सहयोग गरिरहेका छौं। यस अदृश्य दुश्मनलाई मिलेर परास्त गर्नेछौं,” ट्रम्पले ट्विटरमा लेखेका छन्।</p>
प्रतिक्रिया दिनुहोस्
.jpg)
