कोभिड-१९: रुसमा मास टेस्टिङ शुरु
<p>मस्को। क्षेत्रफलका हिसाबबाट संसारको सबैभन्दा ठूलो मुलुक रुसमा कोभिड-१९ को मास टेस्टिङ शुरु भएको छ।</p>
<p>यो परीक्षणको मुख्य उद्देश्य कोरोनाविरुद्धको एन्टिबडी तयार पार्ने रहेको सरकारले जनाएको छ।</p>
<p>त्यसका लागि अलग-अलग उमेरका व्यक्तिहरूलाई अस्पतालमा बोलाइएको छ। </p>
<p>यस परीक्षणको परिणामले लकडाउन खोल्न सकिने-नसकिने भन्‍नेबारे निर्णय लिन मद्दत गर्न सक्ने सरकारी आकलन छ।</p>
<p>राजधानी मस्कोमा रहेका करिब तीन दर्जन क्लिनिकले एन्टिबडी बनाउने प्रयास गरिरहेका छन्। ती क्लिनिकले रगतको नमूना लिएर प्रयोगशालामा पठाउने गरेका छन्।</p>
<p>प्रयोगशालाहरूले नमूना आएको राति नै रिपोर्ट तयार पार्छन्।</p>
<p>रुसमा हालसम्म दुई लाख ६२ हजारभन्दा बढी मानिस कोरोना भाइरसको संक्रमणमा परिसकेका छन्। संक्रमणमा पर्नेमध्येमा रुसी प्रधानमन्त्री मिखायल मिसुस्तिन पनि छन्। उनी अहिले उपचाररत छन्।</p>
<p>रुसमा कोभिड-१९ का कारण मृत्यु हुनेको संख्या दुई हजार चार सय १८ छ। ५८ हजार दुई सय २६ जना उपचारपछि घर फिरेका छन्।</p>
प्रतिक्रिया दिनुहोस्
.jpg)
