नेपालमा थप ९ जनामा कोरोना संक्रमण, संक्रमितको संख्या २६७ पुग्यो
<p>काठमाडौं। नेपालमा थप नौ जनामा कोरोना भाइरस संक्रमण देखिएको छ।</p>
<p>योसँगै कूल संक्रमित २६७ जना पुगेका छन्।</p>
<p>संक्रमितमा पर्सामा चारजना, उदयपुरमा एकजना, दाङमा तीनजना र काठमाडौंमा एकजनामा कोभिड-१९ पुष्‍टि भएको हो।</p>
<p>संक्रमितहरूमा पर्साको वीरगञ्‍ज निवासी ९ र १० वर्षीय बालक छन्।</p>
<p>पर्सामै २३ र ४७ वर्षीया महिलामा पनि संक्रमण देखिएको छ।</p>
<p>उदयपुर, त्रियुगा नगरपालिका निवासी २५ वर्षीय पुरुष, दाङको गढवा- ४, ५ र तुलसीपुर-७ निवासी २३, ३६, ३४ वर्षीय पुरुष संक्रमित फेला परेका छन्।</p>
<p>काठमाडौं सतुंगल निवासी ७ वर्षीय बालकमा पनि संक्रमण पाइएको छ।</p>
<p>उनीहरूको स्वास्थ्य अवस्था सामान्य रहेको भन्दै मन्त्रालयले सबैजना स्वास्थ्यकर्मीको सम्पर्कमा रहेको जनाएको छ।</p>
<p>राष्ट्रिय जनस्वास्थ्य प्रयोगशाला, काठमाडौं, धरानस्थित बिपी कोइराला स्वास्थ्य विज्ञान प्रतिष्‍ठान र भेरी अस्पतालमा गरिएको परिक्षणमा कोभिड-१९ पुष्‍टि भएको स्वास्थ्य मन्त्रालयका सहप्रवक्ता डा. समिरकुमार अधिकारीले बताएका छन्।</p>
प्रतिक्रिया दिनुहोस्
.jpg)
