नुन बाेकेकाे ट्रकमा मदिरा !
<p>कैलाली। धनगढीबाट बैतडी जाँदै गरेको नुन बाेकेकाे ट्रकमा प्रहरीले ठूलो परिमाणमा मदिरा बरामद् गरेकाे छ।</p>
<p>जिल्ला प्रहरी कार्यालय कैलालीका अनुसार आज अपरान्ह साढे ५ बजे नुन बाेकेकाे से १ ख २०१० नम्बरको ट्रकमा १२६ पेटी मदिरा बरामद भएको हाे।</p>
<p>कैलाली प्रहरी प्रवक्ता डीएसपी दक्षकुमार बस्नेतले धनगढीस्थित साल्ट ट्रेडिङबाट ४० बोरा नुन लिएर बैतडी जाँदै गरेको ट्रकमा मदिरा रहेको सूचना आएपछि जाँच गर्दा मदिरा फेला परेकाे बताए।</p>
<p>उनका अनुसार धनगढीकै जानकी सप्लायर्सले बैतडीमा रहेको जानकी वाइन सपको नाममा उक्त परिमाणको मदिरा पठाउन लागेकाे खुलेकाे छ।</p>
<p>जानकी सप्लायर्सका सञ्चालक दिनेश पन्त, चालक र ट्रकलाई नियन्त्रणमा लिई अनुसन्धान भइरहेकाे डीएसपी बस्नेतले बताए।</p>
प्रतिक्रिया दिनुहोस्
.jpg)
