भोलिदेखि ५ दिन चन्द्रागिरि नगरपालिका 'सिल' गरिने
<p>काठमाडौं। काठमाडौंस्थित चन्द्रागिरि नगरपालिकाले भोलिदेखि पाँच दिन नगर क्षेत्र 'सिल' गर्ने भएको छ।</p>
<p>आज बसेको बैठकले ३ जेठ मध्यान्ह १२ बजेदेखि ७ जेठको बिहान ६ बजेसम्म नगरमा आवतजावत बन्द गर्ने निर्णय गरेको गरिने नगर प्रवक्ता प्रवक्ता हरिभक्त महर्जनले बताए।</p>
<p>अहिलेसम्म चन्द्रागिरिमा तीनजना कोरोना संक्रमित भेटिएका छन्। जोखिम नबढोस् भनेर सो कदम चालिएको नगरपालिकाले जनाएको छ। </p>
<p>उक्त अवधिमा औषधिबाहेकका अन्य सबै व्यवसाय बन्द गरिने र हिँडडुलमा समेत कडाइ गरिनेछ।</p>
<p>महेन्द्रनगरबाट आएकी एक महिला, महिलासँगै आएका सशस्त्र प्रहरी जवान र दहचोकमा एक ७ वर्षीय बालकमा कोभिड-१९ देखिएको हो।</p>
<p>उक्त अवधिमा कसैलाई घरबाहिर जान ननिस्कन, अत्यावश्यक काम परेको खण्डमा पास लिएर मात्र हिँड्न नगरपालिकाले अनुरोध गरेको छ।</p>
प्रतिक्रिया दिनुहोस्
.jpg)
