काठमाडौंमा पैदल यात्रुलाई समेत प्रवेश निषेध, गल्लीमा भीडभाड गरे पनि पक्राउ गरिने
<p>काठमाडौं। जिल्ला प्रशासन कार्यालय काठमाडौंले लकडाउनमा थप कडाई गर्दै अब पास नभएका व्यक्तिलाई पैदल हिडेर पनि जिल्लामा प्रवेश नदिने निर्णय गरेको छ।</p>
<p>त्यसैगरी मूल सडक, भित्री सडक र गल्लीमा अनावश्यक भीडभाड नगर्न सूचित गर्दै प्रशासनले त्यसो गरेमा पक्राउ गरिने चेतावनीसमेत दिएको छ।</p>
<p>कोभिड-१९ का बिरामी थपिदैं जाँदा संक्रमणको जोखिम बढ्दै गएपछि काठमाडौं प्रशासनले यस्तो निर्णय गरेको हो।</p>
<p>सवारी पास आवश्यक पर्ने व्यक्ति तथा संस्थाहरुले आ-आफ्नो नियामक निकायहरुमा सम्पर्क गर्न प्रशासनले सूचनामार्फत अनुरोध गरेको छ।</p>
<p>सञ्चारकर्मीहरु तथा मिडिया हाउसहरुले सञ्चार तथा सूचना प्रविधि मन्त्रालय र नियामक निकाय नतोकिएकाको हकमा जिल्ला प्रशासन कार्यालय काठमाडौंमा सम्पर्क राख्न अनुरोध गरिएको छ।</p>
<p> </p>
प्रतिक्रिया दिनुहोस्
.jpg)
