नेपालमा कोरोना संक्रमित : महिलाभन्दा पुरुष चारगुणा बढी
<p>काठमाडौं। नेपालमा महिलाको तुलनामा पुरुष संक्रमित संख्या चारगुणा बढी रहेको देखिएको छ।</p>
<p>अहिलेसम्मको संक्रमितको तथ्यांक हेर्ने हो भने पुरुषहरूको संख्या धेरै छ।</p>
<p>स्वास्थ्य तथा जनसंख्या मन्त्रालयको तथ्यांकअनुसार आजसम्म नेपालमा २५८ जना संक्रमित पुगेका छन्। तीमध्ये २१० जना पुरुष छन् भने ४८ जना मात्रै महिला छन्।</p>
<p>यो भनेको महिलाको तुलनामा पुरुष संक्रमितको संख्या चार गुणाभन्दा बढी हुन आउँछ।</p>
<p>देशमा आज मात्रै ९ जना संक्रमित थपिएका थिए।</p>
<p>बाँकेको नरैनापुर गाउँपालिकामा आठजना र मकवानपुरमा एकजना संक्रमित थपिएका थिए। आजसम्म कर्णाली प्रदेशबाहेकका ६ वटा प्रदेशका २४ जिल्लाहरूमा संक्रमण देखिएको छ।</p>
<p>स्वास्थ्य तथा जनसंख्या मन्त्रालयका अनुसार आजसम्म नेपालमा पीसीआर विधिबाट २३ हजार ९१४ नमूना परीक्षण गरिएका छन्। त्यस्तै ६३ हजार ८५ आरडीटी किट परीक्षणबाट नमूना परीक्षण भएका छन्।</p>
<p>पछिल्लो २४ घण्टामा भने पीसीआर विधिबाट एक हजार २५० र आरडीटी किट विधिबाट ७५८ नमूना परीक्षण भएका छन्। आजसम्म देशैभर क्वारेन्टाइनमा १५ हजार ६८३ जना छन्।</p>
<p>संक्रमित र सम्भावित संक्रमित गरेर देशैभर आइसोलेसनमा २६७ जना रहेको मन्त्रालयले जनाएको छ।</p>
<p>उपत्यका क्षेत्रमा २७ जना र बाहिर २४० जना छन्।</p>
<p>प्रदेश १ मा २२, प्रदेश २ मा १०२, बागमतीमा ३४, गण्डकीमा एक, प्रदेश नम्बर ५ मा १०८ जना आइसोलेसनमा छन्।</p>
<p>कर्णाली र सुदूरपश्चिम प्रदेशमा भने कोही पनि आइसोलेसनमा छैनन्। मोबाइल एप र वेभपेजमा आजसम्म स्वमूल्यांक स्वास्थ्य सम्बन्धी विवरण भर्ने ३७ हजार १४७ जना छन्। तीमध्ये देशैभरका ३६३ जनालाई रेडजोनमा राखिएको छ।</p>
प्रतिक्रिया दिनुहोस्
.jpg)
