कपिलवस्तुका १० मध्ये ८ स्थानीय तहमा कोरोनाको संक्रमण, कूल संक्रमित ४० जना
<p>कपिलवस्तु। कोभिड-१९ का बिरामी थपिएसँगै संक्रमणको जोखिम बढ्दै गएपछि कपिलवस्तुमा उच्च सतर्कता अपनाइएको छ।</p>
<p>जिल्लास्तरीय विपत् व्यवस्थापन समितिले अत्यावश्यकबाहेक घरबाट बाहिर ननिस्कन आग्रह गरेको छ भने अहिले स्थानीय तहले समेत उच्च सतर्कता अपनाएका छन् ।</p>
<p>जिल्लाका १० मध्ये अहिलेसम्म आठ स्थानीय तहमा कोरोनाको संक्रमण फेला परेको छ।</p>
<p>कपिलवस्तुमा ४० जनामा कोरोना संक्रमण पुष्टि भएको छ। यशोधरा गाउँपालिकामा सबैभन्दा धेरै १२ जनामा संक्रमण देखिएको छ।</p>
<p>कपिलवस्तु नगरपालिकामा ९ र कृष्णनगर नगरपालिकाका आठजनामा संक्रमण भेटिएको छ।</p>
<p>यस्तै मायादेवी गाउँपालिका र बुद्धभूमि नगरपालिकाका चार/चार, विजयनगर गाउँपालिका, शुद्धोधन गाउँपालिका र वाणगंगा नगरपालिकामा एक/एकजनामा संक्रमण पाइएको छ।</p>
<p>शिवराज र महाराजगञ्ज नगरपालिकामा संक्रमण नदेखिएको प्रमुख जिल्ला अधिकारी दीर्घनारायण पौडेलले बताए।</p>
<p>कपिलवस्तुमा प्रवेश गर्ने र बाहिर जाने अत्यावश्यकबाहेकका व्यक्ति र सवारी साधनलाई पूर्ण रुपमा निषेध गरिएको पौडेलको भनाइ छ।</p>
<p>यहाँका १४० स्थानमा क्वारेन्टाइनमा दुई हजार ९०८ शय्या राखिएको छ। त्यहाँ चार हजार ४२६ जना छन्।</p>
<p>हालसम्म कपिलवस्तुमा ५९३ जनाको थ्रोट स्वाब नमूना परीक्षण गरिएको छ। <em>रासस</em></p>
प्रतिक्रिया दिनुहोस्
.jpg)
