धनगढीमा अतिविपन्न सुत्केरी तथा गर्भवतीलाई पोषणयुक्त खाना
<p>कैलाली। लकडाउनका बेला समस्यामा रहेका अतिविपन्न सुत्केरी तथा गर्भवतीहरूलाई पोषणयुक्त खाना दिन शुरू गरिएकाे छ।</p>
<p>सुत्केरी तथा गर्भवतीहरूलाई पाेषणयुक्त खानाकाे अभाव हुन नदिन नेपाल विद्यार्थी संघ क्षेत्र ५ कैलाली र सुरक्षित मातृत्व सञ्जालको समन्वयमा 'आमा बचाउ, मानवता जगाउ' अभियानअन्तर्गत धनगढी उपमहानगरपालिकाका १९ वटै वडाका २५७ जना सुत्केरी तथा गर्भवतीलाई पोषण खाना उपलब्ध गराइएको हो।</p>
<p>नेविसंघ क्षेत्र ५ का सभापति गजेन्द्रविक्रम शाहीले सुत्केरी तथा गर्भवतीहरूलाई पोषणको कमी नहोस् भन्नका लागि पोषणयुक्त खाना वितरण गरेको बताए।</p>
<p>उनले अभियानलाई देश तथा विदेशबाट सहयोग प्राप्त भएको बताउँदै सहयोग गर्ने सम्पूर्ण सहयोगीहरूलाई धन्यवादसमेत दिए ।</p>
<p>पोषण खानाअन्तर्गत परिवार हेरेर २० देखि २५ किलाे चामल, एक लिटर खाने तेल, एक क्यारेट अण्डा, नुन, चिनी एक/एक किलाे, दाल दुई किलाे, आलु पाँच किलाे, डिटोल साबुन दुई थान र मास्क एक थान उपलब्ध गराइएको शाहीले जानकारी दिए।</p>
प्रतिक्रिया दिनुहोस्
.jpg)
