भारतको पलियामा अलपत्र एक सय ८० जनालाई आज नेपाल भित्र्याइँदै
<p>कैलाली। सीमावर्ती भारतीय बजार पलियामा ४९ दिनदेखि क्‍वारेन्टाइनमा रहेका एक सय ८० जना नेपालीलाई नेपाल भित्र्याइँदै छ।</p>
<p>पलियामा कैलालीका ७५, कञ्चनपुरका ५१, बैतडीका १९, डडेल्धुराका १५, सुर्खेतका आठ, बझाङका तीन र डोटीका तीनजना छन्। यस्तै, दैलेखका तीन तथा कास्की, सिन्धुली र रौतहटका एक-एक जना छन्। तीमध्ये चार महिला र तीन बालबालिका छन्।</p>
<p>गृह मन्त्रालयको अनुमति नआएकाले उनीहरूको उद्धार हुन सकेको थिएन।</p>
<p>स्थानीय प्रशासनको लामो प्रयासपछि उनीहरुको आज उद्धार हुन लागेको हो। उनीहरूलाई उद्धार गर्न हिजो मुख्यमन्त्री त्रिलोचन भट्ट, धनगढी उपमहानगरपालिकाका प्रमुख नृपबहादुर वड र प्रमुख जिल्ला अधिकारी यज्ञराज बोहराबीच छलफल भएको थियो।</p>
<p>उनीहरुको आज साँझसम्म उद्धारका लागि पहल भइरहेको प्रजिअ बोहराले बताए। उद्धारका लागि भारतको खिरी जिल्लाका अधिकारीसँग छलफल भइरहेको उनले बताए।</p>
प्रतिक्रिया दिनुहोस्
.jpg)
